ئەندامێكی ئەنجومەنی نوێنەرانی عێراق رایدەگەیەنێت، بەپێی رێككەوتنەكەی نێوان هەرێم و بەغداد، لیستی مووچەی مانگی یەك دەبێتە بنەما بۆ ئەمساڵ و مووچەی مانگەكانی دیكە دەنێردرێت.
غەریب ئەحمەد، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەپێی ئەو رێككەوتنەی لە نێوان هەرێم و بەغداد كراوە لیستی مووچەی مانگی یەك دەبێتە بنەما بۆ مانگەكانی دیكە و زیاد و كەمی تێدا ناكرێت.
وتیشی، “داواكاریی ئێمە لە فراكسیۆنی یەكێتی كە پێویستە پلەبەرزكردنەوەی فەرمانبەران و شایستە داراییەكانیان بۆ خەرجبكرێت و هەرێم و بەغداش بەڵێنیانداوە پابەندی رێككەوتنە بكەن”.
