بەپێی زانیارییەكانی تۆڕی میدیایی ئێستا، لە گوندی گردەرەشە لە سنووری پارێزگای هەولێر كەسایەتیی دیاری ئەو گوندە، خورشید هەركی بەهۆی كێشەیەكەیەوە لەگەڵ كۆمپانیای كار و خالید خۆشناو، بە چەكی قورسەوە بەرامبەر بە یەك وەستاون.
هاوكات چەند سەرچاوەیەك لەخەڵكی گوندەكەوە رایانگەیاندووە، “ئێمە بە هیچ شێوەیەك قبووڵ ناكەین بێنە سەر خاكی ئێمە كاربكەن و دەبێت رەزامەندیی ئێمەی لەسەربێت و لە ئێستادا خەڵكەكە بە چەكی قورسەوە وەستاون لەوێدا و دەڵێن، “هەرك كەسێك بێت خوێن دەڕێژین”.
هەر بەپێی زانیارییەكان كێشەكە لەو كاتە دەستیپێكردووە كە كۆمپانیای كار دەستی بەسەر 300 دۆنم زەوی و زاری هاوڵاتییاندا گرتووە و هاوڵاتییانی سنوورەكە داوای قەرەبوویان كردووە، بەڵام كۆمپانیاكە رەزامەندنەبووە.
گوندی گردەرەشە سەر بە ناحیەی كەورگۆسكە لە سنووری پارێزگای هەولێرە كە 30 كیلۆمەتر لە سەنتەری پارێزگاكەوە دوورە.
