وەزیری دەرەوەی عێراق رایگەیاند، “تائێستا هیچ هەڕەشەیەکمان لە ترەمپەوە بەرامبەر عێراق نەبیستووە”.
فوئاد حسێن، جێگری سەرۆک وەزیران و وەزیری دەرەوەی عێراق رایگەیاند، “تا ئێستا هیچ هەڕەشەیەکمان لە ئیدارەی نوێی ئەمریکا بەرامبەر عێراق نەبیستووە”.
باسی لەوەشکرد،”پەیوەندییەکانمان لەگەڵ وڵاتانی رۆژئاوا بەهێزە، گەڕی پێنجەمی گفتوگۆی ستراتیژی لەگەڵ ئەمریکا فراوان دەبێت و چەند لیژنەیەک لەخۆدەگرێت”.
وتیشی،”باشترکردنی پەیوەندییەکان لەگەڵ وڵاتانی دراوسێ بنەمایەکی بنەڕەتییە، نێوەندگیریی عێراق لە نێوان سعودیە و ئێران کاریگەریی ئەرێنی لەسەر ناوخۆی عێراق هەبووە، ئاسایشی عێراق پەیوەستە بە ئاسایشی ناوچەکەوە”.
فوئاد حسێن، وەزیری دەرەوەی عێراق ئەوەشی وت، “پەیوەندییە ئابورییەکانی عێراق لەگەڵ چین گەیشتووەتە 50 ملیار دۆلار”.
