لیژنەی باڵای دیاریکردنی نرخی کارەباى سیتییەکان، نرخی کارەبای مۆلیدەی بۆ مانگی یەک بە 272 دیناری بۆ هەر کیلۆواتێک دیاریکرد.
بەڕێوەبەرایەتیی گشتیی کارەبای سلێمانی بڵاویکردەوە، ئەمڕۆ لە کۆبوونەوەی لیژنەی باڵای دیاریکردنی نرخی کارەباى سیتییەکان، بەپێی نرخی گازوایل لە بازاڕ و ئەو توێژینەوەیەی بۆ خەرجی موەلیدەکان ئامادەکراوە، نرخی کیلۆوات ئاوەڕێک کارەباى موەلیدەى سیتییەکان بۆ ئەم مانگە بە 272 دینار دیاریکرا.
جەختیشیکردەوە، پێویستە سەرجەم سیتیيەکانی سنووری پارێزگای سلێمانی پابەندبن بەنرخەکەوە، بە پێچەوانەوە ئەگەر زیاتر وەربگرن رووبەڕووی رێکاری یاسایی دەکرێنەوە.
