هەڤاڵ ئەبوبەکر پارێزگاری سلێمانی رایگەیاند، لە کۆی 26 بەڕێوەبەرایەتی لە سنووری سلێمانی 20 یان لەلایەن ژنانەوە بەڕێوەدەبرێن.
هەڤاڵ ئەبوبەکر لە کۆنگرەیەکی رۆژنامەوانیدا رایگەیاند، نەک 16 رۆژ، بەڵکو دەبێت هەموو رۆژەکانی ساڵ هەوڵ بدەین بۆ خەبات لەدژی تووندووتیژی ژنان و دەستەبەرکردنی ئاشتی کۆمەڵایەتیی خیزانی.
ووتیشی، ئەگەر کۆمەڵگا جەستەیەک بێت، ئەو لایەی کە دڵی تێدایە ژنە، هەروەها ژیان و ژینگە و گەشەکردنی کۆمەڵایەتیی کۆمەڵگا ژن بەڕێوەی دەبات.
هاوکات پارێزگاری سلێمانی ئاماژەی بەوەشدا، “وەک پارێزگای سلێمانی، هەمیشە بەچاوی یەکسانییەوە تواناکانی ژنانمان سەیرکردووە، بەجۆرێک کە تەنها لە پارێزگای سلێمانی 26 بەریوەبەرایەتیمان هەیە، 20 یان لەلایەن ژنانەوە بەرێوەدەبرێن.
