بەڕێوەبەری کەشناسیی سلێمانی، رایدەگەیەنێت، ئەمساڵ تائێستا بڕی 671.8 ملیم باران لە سنووری سلێمانی باریوە.
ئاسۆ کەمال، بەڕێوەبەری کەشناسیی سلێمانی بە تۆڕی میدیایی ئێستای راگەیاند، لە ماوەی 24 کاتژمێری رابردوودا لە سلێمانی بڕی 30.6 ملیم باران باریوە.
ئاماژەی بەوەش کرد، ئەمساڵ تائێستا بڕی 671.8 ملیم باران لە سنووری سلێمانی باریوە، ئەو بڕە بارانە بە بەراورد بە ساڵی رابردوو ئەمکاتە کەمترە، بەوپێیەی ساڵی رابردوو بڕی 732 ملیم باران باریبوو.
