بە زۆرینەی دەنگی ئەندامانی پەرلەمانی وڵاتەکە، سەرۆک کۆماری نوێی لوبنان هەڵبژێردرا.
ئەمڕۆ پێنجشەممە پەرلەمانی لوبنان کۆبووەوە بە مەبەستی هەڵبژاردنی سەرۆک کۆماری نوێی وڵاتەکە و بە زۆرینەی دەنگ جۆزێف عەون بۆ ئەو پۆستە دەستنیشانکرا.
جۆزێف عەون لەدایکبووی ساڵی 1964 ی لوبنانە و ئەفسەرێکی باڵای سەربازی وڵاتەکەیە، ئەمڕۆ توانی متمانەی 99 ئەندامی پەرلەمانی وڵاتەکەی بۆ بردنەوەی کورسی سەرۆکایەتی کۆمار بەدەستبهێنێت.
لەدوای کۆتاییهاتنی ویلایەتەکەی میشێل عەون لە تشرینی یەکەمی ساڵی 2022، پەرلەمانی وڵاتەکە 12 جار بۆ هەڵبژاردنی سەرۆک کۆمار کۆبووەوە بەڵام شکستیهێنا لە هەڵبژاردنیدا.
