نیوەڕۆی ئەمڕۆ دووەم كۆبوونەوەی وەفدی تەكنیكیی یەکێتیی نیشتمانیی کوردستان و پارتی دیموکراتی کوردستان لە هەولێر دەستیپێكرد.
كۆبوونەوەكە لە هۆڵی سەعد عەبدوڵا بەڕێوەدەچێت و هاوشێوەی کۆبوونەوەی دوێنێ سێشەممە لەبارەی نووسینەوەی رەشنووسی رێکەوتنێک بۆ پێکهێنانی کابینەی 10 یەمینی حکومەتی هەرێم گفتوگۆ دەکەن.
کۆبوونەوەکە لە چوارچێوەی هەوڵەکانن بۆ پێکهێنانی کابینەی نوێی حکومەت، بە تایبەت کە چەند مانگێکە هەڵبژاردن ئەنجامدراوە و هاوڵاتییان چاوەڕوانی رێکەوتنی لایەنەکان و کۆبوونەوەی پەرلەمان و پێکهێنانی حکومەت دەکەن.
