لە ئۆپەراسیۆنێكی هاوبەشی هێزەكانی بەڕێوەبەرایەتیی گشتیی دژەتیرۆر و هێزەكانی هاوپەیمانیی نێودەوڵەتی بۆ ڕووبەڕووبوونەوەی داعش، لە سنووری رانیە توانرا تیرۆریستێك دەستگیربكرێت.
ئاماژە بۆ ئەوەش كراوە، تیرۆریستی دەستگیركراو خەڵكی نەینەوایە، پێشینەی كاری هەبووە لەناو رێكخراوی تیرۆرستیی داعش و بە ماددەی 4ی تیرۆر لەلایەن دادگاكانی عێراقەوە داواكراوبووە.
لە راگەیەندراوەكەی بەڕێوەبەرایەتیی دژەتیرۆردا هاتووە، دوای دەستگیركردنی، دەستبەجێ رادەستی یاسا كرا بە مەبەستی سزادانی.
