لەبەردەم هۆتێلەکەی دۆناڵد ترەمپ سەرۆکی هەڵبژێردراوی ئەمریکا لە ویلایەتی لاس فێگاس ئۆتۆمبێلێک تەقییەوە و کەسێک گیانیلەدەستدا و حەوتی دیکەش برینداربوون.
پۆلیسی لاس فێگاز بڵاویکردەوە، ئۆتۆمبێلەکە لە جۆری سایبەر تراکە کە لەلایەن کۆمپانیای تێسلا دروستکراوە، رۆژی چوارشەممە لەبەردەم هۆتێلی دۆناڵد ترەمپ تەقیوەتەوە و بەهۆیەوە ئاگرێکی گەورە کەوتووەتەوە.
ئاشکراشیکرد، لە رووداوەکەدا کەسێک گیانیلەدەستداوە کە شۆفێری ئۆتۆمبێلەکە بووە، حەوت کەسیش برینداربوون کە لە شوێنی رووداوەکەدا بوون.
باسیلەوەشکرد، تا ئێستا هۆکاری رووداوەکە نەزاندراوە لێکۆڵینەوە لەبارەیەوە بەردەوامە.
