ڤۆلۆدیمێر زیلینسكی سەرۆكی ئۆكرانیا ڕایگەیاند، بەبێ دانوستاندن جەنگ كۆتایینایەت و ئامادەیە لەگەڵ پوتین دانوستاندن بكات.
ئەمڕۆ یەكشەممە لە گفتوگۆیەكدا لەگەڵ بەشێك لە ئاژانسەكانی هەواڵی جیهان، ڤۆلۆدیمێر زیلینسكی سەرۆكی ئۆكرانیا وتی، “ئەگەر تەنها 1% چانسی ئەوەمان هەبێت ئەم جەنگە ڕابگرین، ئەوا دەبێت بیقۆزینەوە”.
زیلینسكی جەختیكردەوە كە بەبێ دانوستاندن جەنگ كۆتایینایەت و ڕایگەیاند، “ئامادەم لەگەڵ ڤلادیمێر پوتین سەرۆكی ڕوسیادا دانوستاندن بكەم”.
سەرۆكی ئۆكرانیا هۆشداری دا لەوەی ئەگەر هەوڵەكانی دانوستاندن شكستبهێنن، ئەوا “جەنگی سێیەمی جیهان” هەڵدەگیرسێت و ڕوسیای تۆمەتباركرد بەوەی كارەساتی مرۆیی لە ئۆكرانیادا هێناوەتە ئاراوە و وتی، “ڕوسیاماریوپۆلی گەمارۆداوە و تاوانی جەنگی لەو شارەدا ئەنجامداوە، ئۆكرانییەكان بۆ چەندین سەدە گەمارۆی ترسناكی ماریوپۆل لەبیرناكەن”.
