بەیانی ئەمڕۆ وەفدی دەم پارتی گەیشتە ئیمڕاڵی و لەگەڵ عەبدوڵا ئۆجەلان رێبەری پارتی کرێکاری کوردستان کۆبوونەوە.
وەفدەکەی دەم پارتی پێکهاتوون لە سری سورەیا ئۆندەر و پەروین بوڵدان و بڕیارە دوای کۆبوونەوەکە قسە لەبارەی وردەکارییەکەیەوە بکەن.
سەردانەکەی ئیمڕاڵی لەدوای ئەوە دێت كە داوایەك ئاڕاستەی وەزارەتی دادی توركیا كرابوو بۆ بینینی ئۆجەلان لەبارەی دەستپێكردنەوەی پرسی پڕۆسەی ئاشتی لە توركیا و باكووری كوردستان و وەزارەتەکەش رۆژی پێنجشەممەی رابردوو رەزامەندی لەسەر داواکە دەربڕیبوو.
