رێکخراوی یونیسێف رایگەیاند ساڵی 2024 خراپترین ساڵبوو بۆ منداڵانی جیهان و 473 ملیۆن منداڵیش لەو ناوچانە دەژین کە ئاڵۆزییان تێدایە.
رێکخراوی یونیسێف کە تایبەتە بە کاروباری منداڵان لەجیهاندا رایگەیاند، بەهۆی دروستبوونی گرژی و ململانێ و جەنگەکانەوە، ساڵی 2024 خراپترین ساڵبوو بۆ بارودۆخ و ژیانی منداڵان لە سەرانسەری جیهاندا، بەجۆرێک کە مەترسییەکی زۆر لەسەر ژیان و تەندروستی منداڵان بوونی هەبوو.
وتیشی ” لە سەرانسەری جیهاندا 473 ملیۆن منداڵ لەو ناوچانە دەژین کە ئاڵۆزیی و ناکۆکییان تێدایە” و بەشێکییان روبەرووی کوژران و برینداربوون و ئاوارەبوون بوونەتەوە.
ئەمە لە کاتێکدایە، ساڵی 2024 بەهۆی گرژییەکانی جیهان بەگشتی و رۆژهەڵاتی ناوەراست بە تایبەتی، ژمارەیەکی بەرچاو هاوڵاتیی مەدەنی بوونە قوربانی، کە منداڵان بەشێکی سەرەکی بوون تیایدا.
