وتەبێژی وەزارەتی ئەوقاف و كاروباری ئایینی هەرێم رایدەگەیەنێت، چاوەڕواندەكرێت لە ناوەڕاستی مانگی تەمموزدا گەشتی عومرە دەستپێبكاتەوە و دەشڵێت، “نرخەكانیان بەپێی جۆری ئەو خزمەتگوزارییانەی پێشكەش دەکرێن دەگۆڕدرێت”.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، 30 ئەم مانگە دوایین كاروانی حاجییان دەگەنەوە هەرێمی كوردستان و دەبێت تەواوی حاجییان لە سعودیە بگەڕێنەوە شوێنی خۆیان و دوای ئەوە گەشتی عومرە بەردەوام دەبێت و چاوەڕواندەكرێت لە ناوەڕاستی مانگی تەمموزدا گەشتی عومرە دەستپێبكاتەوە.
راشیگەیاند، “دیاریكردنی نرخەكانیان بەپێی جۆری ئەو خزمەتگوزارییانەی پێشكەشدەكرێت دەگۆڕدرێت و هەر هاوڵاتییەك گلەیی لە كۆمپانیاكان هەبووە سكاڵا تۆماربكات لێپێچینەوە لە كۆمپانیاكە دەكرێت”.
