بەرپرسی فەرمانگەی پەیوەندییەکانی دەرەوەی حکومەتی ھەرێم ھاوخەمی خۆی بۆ زیانلێکەوتووانی بوومەلەرزەکەی ئێوارەی دوێنێی تورکیا و یۆنان دەربڕی.
سەفین دزەیی نوسیویەتی، “ھاوخەمی خۆم لەگەڵ ئەوانەی بەھۆی بوومەلەرزە وێرانکەرەکەی ئەمڕۆی دەریای ئیجە لە تورکیا و دورگەی سامۆسی یۆنان بوونە قوربانی دەردەبڕم. ھاوسۆزم لەگەڵ خەڵکی تورکیا و یۆنان لەم کاتە سەختەدا”.
پێشتریش مەسرور بارزانی، سەرۆکی حکومەتی هەرێمی کوردستان لە هەژماری تایبەتی خۆی لە تویتەر نوسیبووی، “هاوخەمی خۆم لەگەڵ ئەوانەی بەهۆی بوومەلەرزە وێرانکەرەکەی دەریای ئیجە بوونە قوربانی دەردەبڕم. هیوای زوو چاکبوونەوە بۆ بریندارەکان دەخوازم. هاوسۆزم لەگەڵ خەڵکی تورکیا و یۆنان لەم کاتە سەختەدا”.
ئێوارەی هەینی، بومەلەرزەیەک بە گوڕی 6.6 پلە لە پارێزگای ئیزمیر رۆژئاوای تورکیا روویدا، بەپێێ ئامارە سەرەتاییەکان، تاوەکو ئێستا 17 کەس گیانیان لەدەستدا و 709 کەسی دیکە برینداربوون.
