سکاڵاکەی پارتی لەسەر پێکهێنانی ئیدارەی کەرکوك رەتکرایەوە و دۆسیەکە داخرا.
پەیامنێری تۆڕی میدیایی ئێستا لە کەرکوک گواستییەوە، سکاڵاکەی پارتی لەسەر پێکهێنانی ئیدارەی کەرکوك رەتکرایەوە و دۆسیەکە بەیەکجاری داخرا.
وتیشی، تەنها سکاڵای عەرەب و تورکمان ماوە و دادگای کارگێڕیی بەغداد رۆژی 22ی کانوونی دووەمی 2025ی بۆ بڕیاردان لەسەر سکاڵاکان دیاریکردووە.
رۆژی 24ی تشرینی دووەمی 2024، دادگای کارگێڕیی بەغداد، دادبینیی سەرجەم ئەو سکاڵایانەی تەواوکرد کە لەسەر پێکهێنانی حکومەتی خۆجێی کەرکوک تۆمارکرابوون.
هەمان رۆژ دادگاکە 4ی کانوونی یەکەمی 2024ی بۆ بڕیاردان لەسەر سکاڵاکان دیاریکرد، بەڵام ئەو رۆژەش بڕیاردانی لەسەر سکاڵاکان بۆ ئەمڕۆ 24ی کانوونی یەکەمی 2024 دواخست.
