بافڵ جەلال تاڵەبانی سەرۆکی یەکێتیی نیشتمانیی کوردستان، پەیامێكی بە بۆنەی جەژنی لەدایکبوونی حەزرەتی مەسیح ئاراستەی مەسیحییەکان كرد.
لە پەیامەكەدا هاتووە، “جەژنی لەدایکبوونی حەزرەتی مەسیح لە خوشک و برا مەسیحییەکانم پیرۆز دەکەم و هیوای دڵخۆشی و کامەرانیتان بۆ دەخوازم”.
سەرۆکی یەکێتیی نیشتمانیی کوردستان رایگەیاندووە، “تەبایی و پێکەوەژیان لە هەرێمی کوردستان مێژوویەکی درەوشاوەی هەیە، مەسیحییەکانیش وەک پێکهاتەیەکی رەسەنی وڵاتەکەمان رۆڵێکی گرنگ و کاریگەریان لە قووڵکردنەوەی گیانی ئاشتەوایی و لێبووردەییدا بینیووە”.
بافڵ جەلال تاڵەبانی لە پەیامەكەیدا دەڵێت، “هەر بۆیە ئەم جەژنە پیرۆزە لەگەڵ خوشک و برا مەسیحییەکانمان بەرز رادەگرین و هەموومان بەهیواوە بەرەو داهاتوویەکی گەشتر هەنگاو دەنێین”.
