بەڕێوەبەری باخچەکانی سلێمانی، رایگەیاند، “رێژەی سەوزایی سلێمانی لە 19% زیاترە”.
بەهرۆز سالار، بەڕێوەبەری باخچەکانی سلێمانی، لە کۆنفرانسێکی رۆژنامەوانیدا رایگەیاند، لە ئەمساڵدا هەزاران نەمام لە سلێمانی روێندراون و بۆ داهاتووش پلانی دیکەمان هەیە کە رێژەی سەوزایی ئاستی ستانداردی جیهانی تێپەڕێنێت.
وتیشی، سلێمانی ئێستا لەڕووی سەوزاییەوە پێشەنگە بەجۆرێک رێژەی سەوزایی لە 19% زیاترە و لە هەوڵی زیاترکردنیداین.
باسی لەوەش کرد، “گرنگتر لە رواندن خزمەتکردن و ئاودانی نەمامەکانە و بۆ ئەو مەبەستەش سەرجەم تیمەکانی شارەوانی و بەڕێوەبەرایەتیی باخچەکانی سلێمانی لە ئەرکدان”.
