لەگەڵ هاتنی وەزری زستان و ساردبوونی کەشوهەوادا، یەکێک لەو بابەتانەی کە لای خەڵکی دەبێتە جێگای گرنگیی، بابەتی خۆراکی گونجاوە بۆ وەرزی زستان و پاراستنی بەرگری جەستەی مرۆڤ.
د.کامەران رەسوڵ ژاژڵەیی پسۆڕی زانستی خۆراک بە تۆڕی میدیایی ئیستای راگەیاند، لە وەرزی زستان و کەشوهەوای ساردا کۆمەڵێک خۆراک هەیە کە مرۆڤ بۆ پاراستنی تەندروستی و بەهێزکردنی سیستەمی بەرگری جەستەی پێویستە بیخوات، کە بریتین لەم خۆراکانە.
1- میوە مزرەمەنییەکان، وەک: هەنار، سێو، کێوی.
2- پاقلەمەنیەکان، وەک: شۆربای نیسک، نۆکاو، لۆبیا، ماش.
3- ماسی سەلموون و توونە و هەموو جۆرە ماسیەکانی تر بە بەرژاوی.
4- سینگی مریشک و قەل و پەلەوەر ، هەروەها گۆشتی سووری بێ چەوری
5- دانەوێڵە تەواوەکان وەک ئاردی بۆر و برنجی بۆر و قاوەیی، تۆوی شیاو شۆڤان لە بری ئاردی سپی و برنجی سپی.
6- چەرەسات، وەک: گوێز و بادەم و دەنکە کولەکەو گازۆ.
7- زەنجەبیل.
