وەزارەتی خوێندنی باڵای هەرێم رایدەگەیەنێت، بەهۆی پشووەكانی سەری ساڵ، وەزیری خوێندنی باڵا بڕیارێكی گرنگ بۆ خوێندكاران/ قوتابیانی دەرەوەی وڵات دەردەكات.
بەپێی راگەیەندراوێكی وەزارەتی خوێندنی باڵای هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی نزیكبوونەوەی پشووەكانی سەری ساڵی نوێ و لەبەر چاوگرتنی بارودۆخی ئەو خوێندكار/ قوتابییانەی لە دەرەوەی وڵات دەخوێنن، د.ئارام محەمەد قادر وەزیری خوێندنی باڵا و توێژینەوەی زانستی بڕیاریدا بە رێگاپێدان بە قوتابی/ خوێندكارانی دەرەوەی وڵات بەمەبەستی گەڕانەوە بۆ هەرێمی كوردستان.
هەر لە راگەیەندراوەكەدا هاتووە، رێگاپێدانەكە لە 20ی 12ی 2024 تاوەكو 5ی 1ی 2025 بۆ ماوەی شانزە رۆژە، ئەو ماوەیەی لە شارەكانی هەرێمی كوردستان بەسەری دەبەن بە ماوەی مانەوە بۆیان هەژماردەكرێت.
