قوباد تاڵەبانی جێگری سەرۆکی ئەنجومەنی وەزیرانی هەرێمی کوردستان پەیامێکی پیرۆزبایی بەبۆنەی یادی لەدایکبوونی پێغەمبەری ئیسلامەوە بڵاوکردەوە، تێیدا هاتووە، “ئومێدەوارم ئەم یادە گەلەکەمان بخاتە سەر شاڕێی یەکڕیزی و تەبایی و لێبوردەیی”.
قوباد تاڵەبانی وێڕای پیرۆزبایی لە مسوڵمانان بەبۆنەی یادی لەدایکبوونی پێغەمبەری ئیسلام (محمد) دروودی خوای لەسەر بێت ڕایگەیاندووە، “، ئومێدەوارم ئەم یادە پیرۆزە ببێتە مایەی خێرو خۆشی و گەلەکەمان بخاتە سەر شاڕێی یەکڕیزی و تەبایی و لێبوردەیی و یەکگوتاریی بۆ تێپەڕاندنی ئاستەنگەکان لەپێناو بەدیهێنانی مافەکانماندا”.
دەقی پەیامەکەی قوباد تاڵەبانی جێگری سەرۆکی ئەنجومەنی وەزیران:
بەبۆنەی یادی لەدایکبوونی پێغەمبەری ئیسلام (محمد) دروودی خوای لەسەر بێت، پیرۆزبایی لە مسوڵمانانی هەرێمی کوردستان و عێراق و هەموو جیهان دەکەم، ئومێدەوارم ئەم یادە پیرۆزە ببێتە مایەی خێرو خۆشی و گەلەکەمان بخاتە سەر شاڕێی یەکڕیزی و تەبایی و لێبوردەیی و یەکگوتاریی بۆ تێپەڕاندنی ئاستەنگەکان لەپێناو بەدیهێنانی مافەکانماندا.
قوباد تاڵەبانی
جێگری سەرۆکی ئەنجومەنی وەزیران
