سەرۆكایەتیی شارەوانیی سلێمانی دەڵێت، “پڕۆژەی یەكتربڕی تۆفیق وەهبی یەكێكی دیكەیە لە پڕۆژە گرنگەكانی سەرۆكایەتیی شارەوانی كە بەسەرپەرشتیی تیمەكانمان لە سەرۆكایەتی و كۆمپانیای جێبەجێكار جێبەجێدەكرێت و كارەكانی پڕۆژەكە رۆژ بە رۆژ چڕتر دەبێتەوە بە سوود وەرگرتن لە كەشوهەوا و بارودۆخەكە”.
دەشڵێت، “بە تەواوبوونی پڕۆژەكە دەبێتە پێكبەستنی شەقامی سالم بە شەقامی بازنەیی مەلیك مەحمود و لەوبەریشەوە گەڕەكی چوارچرا بە یەكتربڕەكەوە”.
ئاماژەی بۆ ئەوەش كراوە، هەروەها ئاسانكاریی تەواو بۆ جووڵەی هاتوچۆ لە گەڕەكەكانی ڕزگاری، ئابڵاخ، موشیرئاوا و ناوچەی پیشەسازی دەكات.
