بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای (سەرتەك) لە سنووری ناحیەی مەیدان ئۆتۆمبێلێكی جۆری(جێب واز) وەرگەڕا و بەهۆیەوە پێنج كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر رێگای سەرتەك لە سنووری ناحیەی مەیدان ئۆتۆمبێلێكی جۆری(جێب واز) كە بە ئاراستەی ناحیەی مەیدان هاتووە كۆنترۆڵی لەدەستداو وەرگەڕاوە.
لە راگەیەندراوەكەدا هاتووە، شۆفێری ئۆتۆمبێلەكە و چوار سەرنشینی تێدابووە لە ئەنجامی ڕووداوەكە برینداربوون و تیمەكانی هاتوچۆ گەیشتوونەتە شوێنی ڕووداوەكە و لێكۆڵینەوەیان دەستپێكردووە.
