ئەندامێكی ئەنجومەنی نوێنەرانی عێراق رایدەگەیەنێت، ماوەی دوو هەفتەیە بڕی 763 ملیار دینار خراوەتە سەر هەژماری وەزارەتی دارایی كە هەرێم ئامادەنییە ئەو پارەیە وەربگرێت و پێیوایە دەبێت زیاتری بۆ بنێردرێت.
سۆران عومەر، ئەندامی ئەنجومەنی نوێنەرانی عێراق لە لێدوانێكدا رایگەیاند، ماوەی دوو هەفتەیە بڕی 763 ملیار دینار بۆ مووچەی مانگی 10ی مووچەخۆرانی هەرێم نێردراوە و خراوەتە سەر هەژماری وەزارەتی دارایی و هەرێم ئامادەنییە ئەو پارەیە وەربگرێت و پێیوایە دەبێت زیاتری بۆ بنێردرێت.
وتیشی، “هەرێمی كوردستان داهاتی ناوخۆی لەبەدەستدایە و دەتوانێت كورتهێنان پڕبكاتەوە و پێشتر خۆیان راگەیاندووە داهاتی ناوخۆیان مانگانە 350 ملیار دینارە”.
