راوێژکارێکی وەزارەتی دارایی هەرێم رایگەیاند، حکومەتی عێراق لەدوای پێنج مانگ لە ناردنی لیستەکانمان توانیان سێ کۆمپیوتەر بکڕن بۆ ئەوەی داتا پێشکەوتووەکانی ئێمە بخوێنێتەوە بەهۆی ئەوەی کۆمپیوتەرەکانیان زۆر کۆن بوون.
رێباز عەباس، راوێژکار و ئەندامی تیمی تەکنیکی وەزارەتی دارایی هەرێم بۆ چارەسەرکردنی کێشەکان لەگەڵ بەغداد لە کۆنفڕانسێکی رۆژنامەوانییدا رایگەیاند، لە دواڵی ساڵی 1992وە جیاوازییەکی زۆر هەبووە لە رووی حسابی و ئیدارییەوە.
ناوبراو باسی لەوەشکرد، لەدوای مانگی حەوتەوە هاتن ئەو بڕە پارانەی تێبینییان هەبوو لەسەری پێیان راگەیاندین و ئێمەش روونکردنەوەمان پێدان و دەرکەوت لیستەکانی ئێمە راست و دروستن.
جەختیشیکردەوە، ئێستا لیستەکانی مووچە لیستێکی رێکوپێکە و لەسەر ئەو بنەمایە تەموویلی مووچە دەکرێت بۆ هەرێمی کوردستان.
