سەرۆکی دەستەی مافی مرۆڤ لە هەرێم رایگەیاند، دابەشنەکردنی مووچە پێشێلکردنی مافی ئابووری هاوڵاتییانە.
مونا یاقو سەرۆکی دەستەی مافی مرۆڤ بە تۆڕی میدیایی ئێستای راگەیاند، دابەشنەکردنی مووچە پێشێلکردنی مافی ئابووری هاوڵاتییانە و بەهۆشییەوە چەندین مافی دیکە پێشێل دەکرێن.
ئاماژەی بەوەشکرد، بەگشتیی بەپێی ئەو دۆخەی ئێمە لەناویدا دەژین و ئەو رووداوانەی لە عێراق و ناوچەکە روودەدەن، دۆخی مافەکانی مرۆڤ لە هەرێمی کوردستان لە ئاستێکی باشدایە.
جەختیشیکردەوە، راستە پێشێلکاری مافی مرۆڤ هەیە، گلەیی هەیە، راپۆرت هەیە، رەخنەش هەیە، بەڵام کاردەکەین بۆ ئەوەی ئەو حاڵەتانە نەمێنن.
