بڕیارە ئەمڕۆ مەكتەبی سیاسیی یەكێتی كۆببێتەوە و وتەبێژی حزبەكەش ئەجێنداكەی رووندەكاتەوە.
سەعدی ئەحمەد پیرە، وتەبێژی یەكێتیی نیشتمانیی كوردستان بە تۆڕی میدیایی ئێستای راگەیاند، پاش نیوەڕۆی ئەمڕۆ مەكتەبی سیاسیی یەكێتی لە سلێمانی كۆدەبێتەوە.
وتیشی، “لەمیانەیدا كۆبوونەوەكانی یەكێتی و پارتی تایبەت بە پێكهێنانی كابینەی نوێی حكومەت، كۆبوونەوەی ئەمڕۆی ئەنجومەنی وەزیران لەگەڵ نوێنەران كورد لە بەغداد و پرسە گرنگەكانی دیكە تاوتوێدەكرێن”.
