لە ئاكامی پەلاماردانی لەلایەن سەگی بەڕەلاوە منداڵێكی تەمەن 10 ساڵان لە پرۆژەیەكی نیشتەجێبوونی كەركوك گیانیلەدەستدا.
قوربانییەكە ناوی “ئەلەند ئەیمەن”ە و خوێندكاری پۆلی سێیەمی سەرەتاییە، دوای ئەنجامدانی تاقیکردنەوە چووەتە دەرەوەی قوتابخانە و پرۆژە نیشتەجێبوونەكە، لەوكاتەدا لەلایەن ژمارەیەك سەگی بەڕەلاوە پەلاماردراوە.
سامان یابە عەلی، لێپرسراوی بەشی راگەیاندنی فەرمانگەی تەندروستیی كەركوك بە تۆڕی میدیایی ئێستای راگەیاند، قوربانییەكە تەمەنی 10 ساڵانە، دوای رووداوەكە گەیەندراوەتە بەشی فریاكەوتنی نەخۆشخانەی ئازادی، بەڵام بە چەند خولەكێك دواتر بەهۆی سەختیی برینەكەیەوە گیانیلەدەستدا.
