سەرۆکی ئۆکرانیا ئاماری نوێی کوژراوانی جەنگی روسیا و ئۆکرانیا رادەگەیەنێت
ڤۆلۆدیمیر زیلینسکی، سەرۆکی ئۆکرانیا رایگەیاند، لە سەرەتای جەنگی نێوان روسیا و ئۆکرانیاوە تاوەکو ئێستا زیاتر لە 43 هەزار سەربازی وڵاتەکەی کوژراون و نزیکەی 370 هەزاریش برینداربوون، لە بەرامبەریشدا سوپای روسیا 198 هەزار کوژراو و 550 هەزار برینداری هەیە.
شارەزایانیش پێیانوایە، ژمارەی کوژراوانی جەنگی روسیا و ئۆکرانیا لەو ژمارەیە زیاترە و پێشبینی کوژرانی نزیکەی ملیۆنێک سەرباز لە جەنگەكەدا دەکەن.
جەنگی روسیا و ئۆکرانیا ماوەی زیاتر لە دوو ساڵە بەردەوامە
دۆناڵد ترامپ، سەرۆکی هەڵبژێردراوی ئەمریکا بەڵێنی ئەنجامدانی ئاگربەستی لەنێوان دوو وڵاتەکەدا داوە و رایگەیاندوە دوای دەستبەکاربوونی بەگرنگییەوە هەوڵی بۆ دەدات.
