سەرۆكایەتیی شارەوانيی سلێمانی لە راگەیەندراوێكدا بڵاویكردەوە، ئەمڕۆ لە ڕێوڕەسمێكدا لە هۆلی ڕۆشنبیری سلێمانیی 492 پارچە زەویی لە سێكتەرەكانی فەرمانبەران، لاوان، سۆتكە ، بەشێوەی تیروپشك بەسەر زیندانییانی سیاسیدا دابەشكرا.
لە راگەیەندراوەكەی شارەوانیی سلێمانیدا هاتووە، پڕۆسەكە بە ئامادەبوونی لەیلا عومەر عەلی، سەرۆكی شارەوانیی سلێمانی و بەڕێوەبەری دەزگای شەهیدان و كۆمكاری زیندانییانی سیاسیی كوردستان و نوێنەری وەزارەتی شارەوانیی و گەشتوگوزار و نوێنەری بەڕێوەبەرایەتی كاروباری زیندانییە سیاسییەكان بەڕێوەچوو.
هاوكات لە ماوەی دوو ساڵی رابردووەوە تاوەكو ئێستا زیندانییانی سیاسی و كەسوكاری شەھیدان لەئیدارەی سەربەخۆی راپەڕین‌و گەرمیان زەویان وەرگرتووە.
