وتەبێژی یەکێتی رایگەیاند، “بە بەرنامەی بانگەشەی هەڵبژاردنەوە دەچینە پەرلەمانی کوردستان”.
سەعدی ئەحمەد پیرە، وتەبێژی یەکێتیی نیشتیمانیی کوردستان رایگەیاند، یەکێتی بەو بەرنامەو بەڵێنانەوە دەچێتە پەرلەمانی کوردستان کە لەبانگەشەی هەڵبژاردندا رایگەیاندبوون.
لەبارەی پرسی پێکهێنانی کابینەی 10یەمی حکومەت، وتەبێژی یەکێتی رایگەیاند، دەرگایان کراوەیە بۆ هەر لایەنێک کە ئامادەی گفتوگۆ بێت، بۆ وەرگرتنی پۆستەکانی حکومەت و دابەشکردنیان بەسەر هێز و لایەنە سیاسییەکاندا.
لە20ی تشرینی یەکەمی ئەمساڵدا، هەڵبژاردنی پەرلەمانی کوردستان بەڕێوەچوو.
رۆژی 2ی کانوونی یەکەمی 2024 وەک وادەی ئەنجامدانی یەکەم کۆبوونەوەی پەرلەمانی کوردستان دیاریکراوە، بەڵام تائێستا گفتوگۆی رەسمی لەنێوان لایەنە سیاسییەکان بۆ پێکهێنانی کابینەی نوێی حکومەت ئەنجام نەدراوە.
