شاڵاو هیدایەت شارەزای بواری كەشناسی رایدەگەیەنێت، لە 19 تاوەكو كۆتایی ئەم مانگە شەپۆلێكی باران تەواوی ناوچەكەمان دەگرێتەوە لەگەڵ بارینی تەرزە و بەفر لە ناوچە شاخاوییەكان.
وتیشی، “بەپێی گۆڕانكارییەكانی ئێستا بڕیكی زۆر باش باران تەواوی ناوچەكان دەگرێتەوە لە مەودای 19 تاوەكو كۆتایی مانگ و بەشێكی باشی ئەو مەودایە سیستمی تەڕو داباراناوی باڵادەست دەبێت لەسەر ناوچەكانمان”.
باسی لەوەش كرد، سەرەتا لە ناوەڕاستی هەفتەی داهاتوو و بە تایبەت لە 19ی ئەم مانگە بەهۆی هاتنی بارستەهەوایەكی ساردی جەمسەری بۆ سەر دەریای ناوەڕاست و سوور شەپۆلێكی سەرتاسەری ڕوو دەكاتەوە ناوچەكانمان ئەگەری هاتنی شەپۆلی تری دابارینی تری باشیش هەیە بەپێی گۆڕانكاریە كانی ئێستا.
