بە بۆنەی 51هەمین ساڵرۆژی دامەزراندنی یەكێتیی نیشتمانیی كوردستان، مەكتەبی سیاسیی یەكگرتووی ئیسلامیی كوردستان پیرۆزبایی لە سەرۆک، مەكتەبی سیاسی، سەركردایەتی و ڕێكخستنەكانی یەكێتیی نیشتمانیی کوردستان دەكات.
لە ڕاگەیەندراوەکەی مەكتەبی سیاسیی یەکگرتووی ئیسلامی کوردستاندا هاتووە، بە بۆنەی ساڵیادی دامەزراندنی یەكێتیی نیشتمانیی كوردستانەوە، جوانترین پیرۆزبایی پێشكەش بە جەنابی كاک بافڵ سەرۆكی یەكێتی، بەڕێزانی مەكتەبی سیاسی، سەركردایەتی و ڕێكخستنەكانی یەكێتی دەكەین.
ئەوەش هاتووە، بەهیوای ساڵێكی پڕ لە سەركەوتن و پێشكەوتن بۆ ئێوەی بەڕێز و پڕۆسەی سیاسیی هەرێمی كوردستان، یادەكەتان لە كاتێكدایە كە گەل و نیشتمان پێویستیی بە هیمەتێكی باڵا و بەرەوپێشچوونێکی باشتر هەیە بۆ یەكڕیزی و چارەسەریی گرفتە ناوخۆیەكانی ناوماڵی هەرێمی کوردستان و عێراق، چاوەڕێی زۆرتر دەکرێت لە بەڕێزتان لەم بارەیەوە.
لە کۆتایشیدا هاتووە، بۆ پەیوەندیە دوو قۆڵیەكانمان، خوازیاری پێشكەوتنی بە تینترین لەپێناو خزمەتی زیاتر و خەباتی هاوبەشی زۆرتردا
