(ڤیدیۆ) ئینتەرمیلان یاری لوتکەی لە یوڤانتۆس بردەوە و میلانیشی گرتەوە

ئەمشەو، یەکشەممە لە چوارچێوەی ڕوبەڕوبوونەوەکانی هەفتەی 18ی خولی پلە یەکی ئیتاڵیا، یانەی ئینتەرمیلان بردنەوەیەکی گەورەی بەرانبەر یوڤانتۆس تۆمارکرد.

ئینتەرمیلان لە یاریگای جوسێپی میاتزا میوانداری یانەی یوڤانتۆسی کرد و یاری نێوانیان بە ئەنجامی دوو گۆڵی بێوەڵام لە بەرژەوەندی لوکاکۆ و هاوڕێیانی کۆتاییهات.

گۆڵەکانی ئینتەر لە خولەکەکانی 12 و 52 لەلایەن ئارتورۆ ڤیدال و نیکۆلۆ بارێلاوە تۆمارکران.

بەهۆی ئەم ئەنجامەشەوە ڕیزبەندی یانەکانی خولی ئیتاڵیا گۆڕانکاری بەسەردا هات، ئینتەرمیلان بە 40 خاڵ لە پلەی دووەمدا لەگەڵ میلانی ڕکابەری بە خاڵ هاوتا بووەوە، بەڵام بە جیاوازی گۆڵ نەیتوانی لوتکە بگرێتەوە، لە بەرانبەردا یانەی یوڤانتۆس بە 33 خاڵەوە بۆ پلەی پێنجەم دابەزی.

ئەنجامەکانی تر:

ناپۆلی 6-0 فیۆرنتینا

کرۆتۆنی 4-1 بینیڤێنتۆ

ساسولۆ 1-1 پارما

ئاتالانتا 0-0 جێنەوا