تەندروستیی لوبنان ژمارەی کوژراوانی وڵاتەکەی لە ئەنجامی هێرشەکانی ئیسرائیل راگەیاند.
وەزارەتی تەندروستیی لوبنان، ئەمڕۆ چوارشەممە رایگەیاند، “لە سەرەتای دەستدرێژییەکانی ئیسرائیل بۆ سەر ئەو وڵاتە، سێ هەزار و 558 کەس کوژراون و 15 هەزار و 123 کەسی دیکەش برینداربوون”.
لە رۆژی 23ی ئەیلولی ئەمساڵەوە هێرشەکانی ئیسرائیل بۆ سەر چەند ناوچەیەکی لوبنان دەستیپێکرد، کە بووەتە هۆی گیانلەدەستدان و برینداربوونی هەزاران هاوڵاتی، ئەمە جگە لە ئاوارەبوونی زیاتر لە ملیۆنێک لوبنانی و رۆیشتنی نزیکەی 70 هەزار کەس بۆ دەرەوەی وڵات، لەگەڵ وێرانکارییەکی بەرفراوان لە چەند شارێکدا.
