دەزگای لوتکە رایگەیاند، “حەوت کۆچبەر لە دەریای ئیجەدا خنکان و 23ی دیکە رزگارکران”.
دەزگای لوتکە بۆ کاروباری ئاوارە و پەنابەران، رایگەیاند، “حەوت کۆچبەر رۆژی پێنجشەممە بەهۆی وەرگەڕانی بەلەمەکەیانەوە لەنزیک دوورگەی لێسبۆس لە دەریای ئیجە گیانیان لەدەستداوە و 23 کۆچبەری دیکە رزگارکراون”.
باس لەوەشدەکات، “بەلەمەکە لە نزیک دوورگەی لێسبۆس لە دەریای ئیجە وەرگەڕاوە و کۆی ژمارەی کۆچبەران بە 30 کەس دەخەمڵێندرێت و سێ منداڵی خوار تەمەنی یاسایی لەنێو ئەو کەسانەدا بوون کە گیانیان لەدەستداوە، گەڕان بەدوای دوو کەسەکەی دیکەش بەردەوامە”.
بەپێی زانیارییەکانی دەزگای لوتکە، “کۆچبەرەکان خەڵکی وڵاتانی لیبیا و سۆماڵ بوون”.
