ئێران ئەمجارەش لە ڕەوانەكردنی مانگی دەستكرد شكستیهێنا

مووشەكەكە نەیتوانیوە بگاتە خێرایی پێویست

ئەو مووشەكەی ئێران ڕەوانەی بۆشایی ئاسمانی كرد و مانگێكی دەستكردی هەڵگرتبوو، ‏شكستیهێنا لە دانانی بارەكەی لە خولگەی دیاریكراو، دوای ئەوەی سەركەوتوو نەبوو لە ‏گەیشتنە خێرایی پێویست، وەك ئەوەی وتەبێژی وەزارەتی بەرگریی ئێران ڕایگەیاند.‏

ئەحمەد حسەینی، وتەبێژی وەزارەتەكە ڕوونیكردەوە، بۆ ئەوەی مووشەكەكە بارەكەی ‏دابنێت، پێویستە خێراییەكەی بگاتە سەرووی 7600 مەتر لە چركەیەكدا، بەوتەی ئەو، ‏مووشەكەكەی ئەوان گەیشتووەتە خێرایی 7.350 مەتر لە چركەیەكدا.‏

حسەینی ڕوونینەكردەوە ئایا مووشەكەكە گەیشتووەتە خولگەكە، بەڵام ئاماژەی بەوەدا كە ‏هەڵدانەكە تاقیكردنەوە بووە بەر لە هەوڵەكانی دیكە بۆ دانانی مانگی دەستكرد لە خولگەدا.‏

ئێران كە خاوەنی یەكێك لە گەورە بەرنامە مووشەكییەكانە لە خۆرهەڵاتی ناوەڕاست، ‏بەدەست چەندین هەوڵی شكستخواردووی هەڵدانی مانگی دەستكرد لە چەند ساڵی كەمی ‏ڕابردوودا دەناڵێنێت، بەهۆی كێشەی هونەرییەوە.‏

ئێران یەكەم مانگی دەستكردنی خۆی بەناوی “ئومێد” لە ساڵی 2009 هەڵدا، هەروەها ‏مانگی دەستكردی “ڕەسەد” (بەواتای چاودێری) لە ساڵی 2011دا ڕەوانەی خولگە كرد. ‏

لە ساڵی 2012شدا ڕایگەیاند سەركەوتوو بووە لە دانانی سێیەم مانگی دەستكردی ‏دروستكراوی ناوخۆیی “ناڤید” (بەواتای بەڵێن) لە خولگەدا.‏

لە نیسانی 2020یش وتی، سەركەوتوو بووە لە دانانی یەكەم مانگی دەستكردی سەربازی ‏لە خولگەدا، پاش چەند هەوڵێكی هەڵدانی شكستخواردووی یەك لەدوای یەك.‏

پێنجشەممەش ئێران هەڵدانی دوا مووشەكی بۆ بۆشایی ئاسمان كە هەڵگری كەلوپەل بۆ ‏مەبەستی توێژینەوە بوو ڕاگەیاند، بەرلەوەی شكستخواردنی ئەمەیان ڕابگەیەنێت.‏

بابەتی پێشتر

Announcement (ئاگاداری)

بابەتی دواتر

پلانی هێرشكردنە سەر باڵیۆزخانەی ئەمریكا لە یادی كوشتنی سولەیمانیدا ئاشكراكرا

بابەتی پەیوەندیدار
زیاتر ببینە

پەندێك بە سووكایەتیكردن بە ئەردۆغان لێكدەدرێتەوە و بەهۆیەوە ژنە پێشكەشكارێك سزادەدرێت

سەدەف كەباش ژنە میدیاكاری تورك بەتۆمەتی “سووكایەتیكردن بە سەرۆك” زیندانیدەكرێت. هەینیی ڕابردوو لەكاتی پێشكەشكردنی پرۆگرامە تەلەڤیزیۆنییەكەیدا بەشێوەیەكی ڕاستەوخۆ…
Total
1
Share