بەڕێوەبەرایەتیی گشتیی تەندروستیی سلێمانی رایدەگەیەنێت، لە رۆژانی پشوودا سەرجەم نەخۆشخانەكانی پارێزگای سلێمانی بەشێوەی ئێشكگر 24 كاتژمێر كراوەدەبن و دەشڵێت، “لە كاتی بوونی هەر حاڵەتێكی كتوپڕدا دەتوانن پەیوەندی بە سەنتەری فریاكەوتنی خێرای تەندروستی ژمارە 122 بكەن”.
بەپێی راگەیەندراوێكی بەڕێوەبەرایەتیی گشتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە و تێیدا هاتووە، بەمەبەستی ئامادەكاری و بەردەوامبوون لە پێشكەشكردنی خزمەتگوزاریی تەندروستییەكان لە رۆژانی پشوودا سەرجەم نەخۆشخانە و سەنتەرەكان بەردەوامدەبن لە پێشكەشكردنی خزمەتگوزاریی تەندروستی بەشێوەی ئێشكگر.
هەر لە راگەیەندراوەكەدا هاتووە، داوا لەهاوڵاتییانی بەڕێز دەكەین لەكاتی بوونی هەر حاڵەتێكی كتوپڕدا دەتوانن پەیوەندی بە سەنتەری فریاكەوتنی خێرای تەندروستی ژمارە 122 بكەن.
