توێژینەوەیەکی نوێ دەریخستووە کە دانیشتن بۆ ماوەیەکی زۆر بۆ تەندروستیمان خراپترە لەوەی بیرمان لێدەکردەوە، بە تێکڕا 60 کاتژمێر دانیشتن لە هەفتەیەکدا کاریگەری لەسەر میتابۆلیزم دەبێت و دەبێتە هۆی خێرا پیربوون.
هەروەها دانیشتن بۆ ماوەیەکی زۆر کاریگەری لەسەر رێکخستنی شەکری خوێن و تێکچوونی چەوریی لەش هەیە، بەپێی ئەوەی رۆژنامەی “ئیندیپێندێنت”ی بەریتانی بڵاویکردووەتەوە.
تیمێکی بەشی جینات و جینۆمیک و بایۆئینفورماتیک لە زانکۆی کۆلۆرادۆ بەدواداچوونیان بۆ کاتژمێرەکانی دانیشتن و وەرزشی هەفتانەی هەزار و 327 بەشداربوو کردووە، کە تێکڕای تەمەنیان 33 ساڵ بووە و بۆیان دەرکەوتووە کە بە تێکڕا هەفتانە 60 کاتژمێر دانیشتوون.
توێژەران رایانگەیاندووە، ئەوانەی بۆ ماوەیەکی زیاتر دانیشتوون، مەترسی لەسەر تەندروستییان دروستدەبێت تەنانەت لەکاتێکدا کە رێنماییەکانی وەک وەرزشکردنی 20 خولەک وەرزشکردنیش لە رۆژێکدا جێبەجێبکەن.
ئەنجامی توێژینەوەکە دەریخستووە، بە تێکڕا 60 کاتژمێر دانیشتن لە هەفتەیەکدا کاریگەری لەسەر میتابۆلیزم دەبێت و دەبێتە هۆی خێرا پیربوون.
