سەرۆکایەتیی شارەوانیی هەڵەبجە، ئاگادارییەکی بڵاوکردووەتەوە و تیایدا هاتووە، بۆ دابەشکردنی زەوی بەسەر فەرمانبەراندا پێویستییان بە چەند پسپۆڕییەک هەیە بەشێوەی کرێی رۆژانە دایانبمەزرێنن.
سەرۆکایەتییەکە ئاماژەی بەوەکردووە، سەرجەم ئەندازیاران و رووپێوکاران و دەرچووانی کۆلێژی یاسا ئاگاداردەکاتەوە، لە پسپۆڕییەکانی، (تەلارسازی، پلانسازی، رووپێوی، دیزاین، یاسا) بۆ ئەوەی سەردانیان بکەن و زانیاری کەسی و سیڤی خۆیان دابنێن.
ئەوەش خراوەتەڕوو، وەرگرتی سیڤی بۆ ماوەی هەفتەیەک دەبێت دوای بڵاوکردنەوەی ئاگادارییەکە.
