پۆلیسی هەڵەبجە ڕایدەگەیەنێت، گەنجێك كە لەگەڵ چەند هاوڕێیەكیدا چوون بۆ مەلەكردن، خنكاوە و تیمەكان سەرقاڵن بۆ دۆزینەوەی تەرمەكەی.
موقەدەم بەرزان عوسمان وتەبێژی پۆلیسی هەڵەبجە ڕایگەیاند، گەنجەكە ناوی (پ.ع.خ.) تەمەن 22 ساڵە و دانیشتووی پارێزگای هەڵەبجە و پیشە كاسب-ە.
ڕوونیشیكردەوە، ئەمڕۆ لەگەڵ چەند هاوڕێیەکیدا بەمەبەستی چوون بۆ نزیك گوندی (ئیمامی زامن) بۆ مەلەكردن و ڕاوە ماسی، لەوێ خنکاوە.
موقەدەم بەرزان ئەوەشی خستەڕوو، تیمەكانی پۆلیس و ئاسایش و دانیشتووانی گوندەكە سەرقاڵی گەڕانن بەدوای تەرمەكەیدا.
