کشتوکاڵی هەڵەبجە رایگەیاند، دەستبەسەر 875 کیلۆ گەنمەشامی خراپبوودا گیراوە.
ئەمڕۆ چوارشەممە، بەڕێوەبەرایەتی گشتی کشتوکاڵی هەڵەبجە رایگەیاند، دەستبەسەر بڕی 875 کیلۆگرام “گەنمەشامی” خراپبوودا گیرا.
ئاماژەیان بەوەشداوە، بڕی گەنمەشامییەکە شیاوی خواردن نەبووە، هەربۆیە لەلایەن هۆبەی کەرەنتینەی کشتوکاڵی مەرزی شۆشمێ-وە دەستی بەسەردا گیراوە و راستەوخۆش بڕیاری گەڕاندنەوەی بۆ وڵاتی ئێران دراوە.
