وەزارەتی سامانە سرووشتییەکانی هەرێمی کوردستان بڵاویکردەوە، لە سەرەتای وەرزی زستانی ئەمساڵەوە تاوەکو ئەمڕۆ بڕی 75 ملیۆن لیتر نەوت بەسەر 34.5%ی هاوڵاتییاندا دابەشکراوە.
بە گوێرەی نووسراوێک کە واژووی فەلاح مەولود ئیسماعیل، بەڕێوەبەری گشتیی وەبەرهێنانی کانزایی وەزارەتی سامانە سرووشتییەکانی هەرێمی لەسەرە، بڕی دابەشکراوی نەوت گەیشتووەتە 74 ملیۆن و 685 هەزار و 200 لیتر و 490 ملیۆن و 64 هەزار و 168 بەرمیل نەوت لە عەمبارەکاندا ماون بۆ دابەشکردن.
باس لەوەشکراوە، بە کۆی گشتیی بڕی پێویستی نەوت بۆ دابەشکردن، 268 ملیۆن و 710 هەزار و 600 لیترە.
هاوکات ئاماژە بەوەشکراوە، تا ئێستا بە کۆی گشتیی شار و ئیدارە و قەزا و ناحییەکانی هەرێم، 373 هەزار و 436 هەزار خێزان سوودمەند بوون و 970 هەزار و 127 خێزانی دیکە ماون نەوت وەربگرن.
