لە كەركوك شوێنەوارێك كە مێژووەكەی دەگەڕێتەوە بۆ زیاتر لە چوار هەزار ساڵ پێش ئێستا لەلایەن تیمێكی شوێنەواری عێراقییەوە دۆزرایەوە.
شوێنەوارەكە لەلایەن دوو تیمەوە كاری كنە و پشكنینی لەسەر دەكرێت. تیمی یەكەم پاشماوەی كاری بیناسازی و كورەی دروستكردنی گۆزەی ئاشكراكرد، سەرەڕای دۆزینەوەی نزیكەی 100 پارچە شوێنەواری جۆراوجۆر.
تیمی دووەم لەكاتی هەڵكۆڵیندا چەند گۆڕێكیان دۆزیوەتەوە كە دیاریی جۆراوجۆری تیابووە و كارەكەیان تائێستا بووەتەهۆی دۆزینەوەی نزیكەی 150 پارچە شوێنەوار.
سوهەیل تەمیمی، سەرۆكی دەستەی شوێنەوار ئەمڕۆ سەردانی ناوچەكەی كرد و داوایكرد سەرجەم پارچە شوێنەوارییەكان تۆماربكرێن و پێوەرە زانستییەكان لە كارەكەدا رەچاوبكرێن.
