لیوا روكن عومەر ساڵح فەرماندەی هێزەكانی 70 لە پەیامێكیدا دەڵێت، ” لە فەرماندەی ھێزەكانی 70 بۆ سەرجەم پێشمەرگە قارەمان و بەوەفاكانی فەرماندەی 70 وێرای سوپاس و پێزانین بێپایانم لە بەرامبەر بەشدارییەكی كاراتان لە دەنگدانی خولی شەشەمی پەرلەمانی كوردستان، بەشداریی گەرموگوڕتان و پیشاندانی سیمای شارستانیی و نموونەیی پیشانی هەموولایەكتان دا چۆن لە سەنگەری بەرگریی قارەمان و دڵسۆزن ئەواش لەم پرۆسەی دیموكراسیەدا پێشەنگبوون و بوونە رەمزی سەرمەشقی گۆڕانكاری لە هەرێمەكەمان.
هەر لە پەیامەكەدا هاتووە، “بۆیە داواتان لێدەكەین لە كاتی راگەیاندنی ئەنجامی بەرایی دەنگدان كەس تەقەی خۆشی نەكات و خۆشی و شادییەكانتان بە شێوازێكی شارستانی دەرببڕن”.
