بەڕێوەبەری پەروەردەی ڕۆژئاوای سلێمانی ئاشکرایدەکات، خانەنشینبوونی مامۆستایان لە دەرەوەی شار گرفتی زۆری بۆ دروستکردووین.
بەناز ڕەمەزان، بەڕێوەبەری پەروەردەی ڕۆژئاوای سلێمانی لە لێدوانێکدا ڕایگەیاند، خانەنشینبوونی مامۆستایان لەناو شاردا گرفتی گەورەی بۆ بۆ دروست نەکردووین، بەڵام لە دەرەوەی شار و بەتایبەت لە ناوچەکانی بازیان، باینجان، ئەڵایی، قزلەر، هەناران و کانی پیرە گرفتی زۆر زۆرمان هەیە.
ئاماژەی بەوەشکرد، کاتێک لە دەرەوەی شار دوو مامۆستای خوێندنگەیەک خانەنشین دەبن، ئەو خوێنگەیە پەکیدەکەوێت، چونکە هیچ مامۆستایەک ئامادە نییە لەناو شارەوە بڕواتە دەرەوەی شار، هەروەها لە دەرەوەی شار نە وانەبێژ ماوە نە گرێبەست، بۆیە بە دڵنیاییەوە لە هەندێک پسپۆڕی گرفتی زۆرمان بۆ دروستدەبێت.
