مەناهیل جەلیل حەمیداوی ئەندامی پێشووی ئەنجومەنی نوێنەران لەلایەن هاوسەرەکەیەوە درایە بەر دەستڕێژی گوللە و بە سەختی برینداربوو.
میدیاکانی عێراق بڵاویانکردەوە، مەناهیل جەلیل حەمیداوی ئەندامی پێشووی ئەنجومەنی نوێنەران کە سەر بە رەوتی سەدر بووە لەبەردەم دادگای شەعب لە شاری بەغداد دراوەتە بەر دەستڕێژی گوللە و بە سەختی برینداربووە.
ئاشکراشیانکرد، هاوسەری قوربانییەکە کە هاوکات ئەندامی هێزە چەکدارەکانە بە تۆمەتی ئەنجامدانی تاوانەکە دەستگیرکراوە.
باسیانلەوەشکرد، رووداوەکە بەهۆی کێشەی نێوان دوو هاوسەرەکەوە روویداوە کە بە نیازبوون جیاببنەوە.
