سەنتەرێکی تایبەت بە گورچیلەی دەستکرد لە قەزای دەربەندیخان کرایەوە و خرایە خزمەت هاوڵاتییانی ناوچەکە.
بەڕێوەبەرایەتیی گشتیی تەندروستیی سلێمانی بڵاویکردەوە، بەكردنەوەی سەنتەری گورچیلەی دەستكرد لە قەزای دەربەندیخان، لەمەودا هەموو ئەو هاوڵاتییانەی پێویستیان بە شووشتنەوەی گورچیلەیە لەسنوورەكە پێویست ناكات سەردانی سلێمانی و شوێنەكانی تر بكەن.
باسی لەوەشکردووە، لە سەنتەرەکە هەموو خزمەتگوزارییەکی پێویست لەژێر چاودێری پزیشكی پسپۆڕ بۆ هاوڵاتییان ئەنجامدەدرێت.
