عەلی حەمەساڵح رایگەیاند، ماوەی چەند رۆژێکە رێگەنادرێت هیچ سووتەمەنییەک داخڵی شاری هەولێر بێت و بەو هۆیەوە نرخی بەرزبووەتەوە.
عەلی حەمەساڵح ئەندامی پێشووی پەرلەمانی کوردستان رایگەیاند، “بەهۆی رێگریکردن لە هێنانی سوتەمەنی لە ناوچەکانی عێراقەوە بۆ بەرژەوەندی دوو پاڵاوگە، گازوایل بەشێوەیەکی بەرچاو لە هەولێر گران بووە و ئەمەش کاریگەری لە نرخی مۆلیدە و دروێنە و گواستنەوە دەکات”.
ئاماژەی بەوەشکردووە، “نرخی بەرمیلێک گازوایلی کار لە 132 هەزار دینارەوە بۆ 168 هەزار دینار بەرزبووەتەوە، ئەم گرانبوونەش کاریگەری لەسەر گرانبوونی نرخی مۆلیدە و دروێنە و گواستنەوە بەگشتی دەبێت”.
