وتەبێژی بەرگریی شارستانیی سلێمانی رایدەگەیەنێت، بەشێك لە ئاگرەكەی ناوچەی پیشەسازیی كۆنتڕۆڵكراوە و زیاتر لە 10 تیم سەرقاڵی كۆنتڕۆڵكردنی تەواوی ئاگرەكەن.
ئارام عەلی وتەبێژی بەرگریی شارستانیی سلێمانی رایگەیاند، كەمێك پێش ئێستا ئاگر لە كارگەی ئاوی سلێمانی لە ناوچەی پیشەسازیی سلێمانی كەوتەوە و ژمارەیەك كۆگا سووتاون.
راشیگەیاند، زیاتر لە 10 تیم سەرقاڵی كۆنتڕۆڵكردنی ئاگرەكەن و بەشێكی ئاگرەكە كۆنتڕۆڵكراوە و بە پێی زانیارییەكان ئاگرەكە بەهۆی ئەیزۆگامەوە بووە.
